کان چھدوانے سے ایڈز بھی ہوسکتا ہے؟ طبی ماہرین نے انکشاف کے بعد احتیاط اور علاج بھی بتا دیا! جانیں

لڑکیاں مشرقی ہوں یا مغربی لیکن زیورات کا شوق ہر عورت میں فطری ہے۔ مغربی خواتین ہلکے نیکلیس اور ٹاپس پہننا پسند کرتی ہیں جبکہ مشرقی خواتین تھوڑے بھاری زیورات پسند کرتی ہیں۔ خاص طور پر کانوں میں جھمکے بالیاں تو جیسے ہر لڑکی کے پسندیدہ ترین زیور ہیں جنھیں پہننے کے لئے وہ کم عمری میں ہی ناک کان چھدوا لیتی ہیں۔

البتہ امریکی ریاست مشی گن کے وائن اسٹیٹ ڈرماٹالوجی انسٹیٹیوٹ کے پروگرام ڈائریکٹر اور ماہر امراض جلد ڈاکٹر سٹیون ڈیولوئی کا انکشاف ہے کہ ناک اور کان چھدوانے میں بے احتیاطی کی وجہ سے آج کل ہیپاٹائٹس بی، سی اور ایچ آئی وی (ایڈز) جیسی خطرناک بیماریاں پھیل رہی ہیں۔

اس حوالے سے اپنی تحقیق بیان کرتے ہوئے ڈاکٹر سٹیون کا کہنا تھا کہ ناک اور کان چھدوانے میں سب سے لازمی بات یہ ہے کہ کسی تجربے کار شخص سے یہ کام کروایا جائے اس کے علاوہ صفائی کا شدید خیال رکھا جائے۔ ڈاکٹر سٹیون نے اس حوالے سے جو احتیاط بیان کیں وہ ہم اپنے قارئین کے لئے یہاں شئیر کررہے ہیں۔

اینٹی بیکٹیریل اشیاء کا استعمال

کان او ناک چھدوانے کے بعد اینٹی بیٹیریل اشیاء کا استعمال نہ کریں اس کے علاوہ ہائیڈروجن پر آکسائیڈ بھی متاثرہ حصے پر نہ لگائیں اس سے جلد جل جاتی ہے۔

پیٹرولیم جیلی

چھدوائے ہوئے سراخ کو خشک ہونے سے بچانے کے لئے پیٹرولیم جیلی استعمال کی جاسکتی ہے لیکن اس کو ٹیوب کے ذریعے استعمال کرنا زیادہ مناسب ہے تاکہ جراثیم سے بچاؤ ممکن ہو۔

انفیکشن

چھدوائے ہوئے حصے پر ابھار بننے لگے یا رنگ تبدیل ہوجائے یا پھر سوجن ہوجائے تو اس علامت کو نظر انداز کرنے کے بجائے ڈاکٹر سے رجوع کرنا بہتر ہے۔